【師傅教路】插座用時方恨少！裝修必睇插蘇位佈局攻略
9月16日
讀畢需時 2 分鐘
裝修後開心入伙，先發覺插座唔夠用？駁上多個拖板，一地電線，破壞靚裝修之餘仲容易絆腳！要避免新居變成「拖板陣」？留意以下6個 hkcHOME 師傅私藏規劃小貼士：
萬能數量公式：電器數 + 20% 備用 計算插座切忌「剛剛好」，建議公式是：現有電器數量再加上 20% 備用名額，即使將來添置了新電器也不會不夠用！
電視櫃位插座勿慳：告別凌亂電線 客廳影音器材線最易「打蛇餅」！建議最少預留 4 至 5 個「孖蘇」（雙插座）。師傅建議將插座藏在櫃內，枱面只需預留「穿線孔」，既方便使用又能保持客廳整潔美觀。另外高身儲物櫃宜於「櫃背板開窿」裝定掣位，吸塵機等可在櫃內充電，同樣可在視覺上保持乾淨俐落！
床頭掣位注意高度：避免被遮擋 床頭插座最重要方便手機等充電！掣位一定要配合傢俬：如有床頭櫃，插座要「高過櫃面」；如無床頭櫃，插座就要「高過床褥」或者對準枕頭邊。
必裝關鍵位：打邊爐最強後盾 餐枱底或吧枱邊一定要留有掣位，打邊爐或者用多功能煮食鍋時，就不用拉線橫跨客廳！另外，玄關位置亦建議留位給空氣清新機或乾鞋機，提升生活質素。
最易忽略位：為將來留位
廚房鋅盆底的地櫃內記得留位，方便將來裝濾水器或廚餘機。坐廁旁建議預留防水掣位，日後升級智能廁板也毋須重新拉明線。
hkcHOME 師傅專業保證
水電工程是家居安全的第一道防線，hkcHOME堅持選用 100% 本地持牌電工，嚴格根據傢俬圖紙，反覆核對插座的精準位置，確保每一組掣位既安全又美觀。
想打造無後顧之憂的家？ 即刻 PM / WhatsApp 聯絡我們，幫你度身設計專業裝修方案！
hkcHOME 提供專業一站式家居設計及裝修管理：
🔹 13,000呎陳列室，建材傢俬應有盡有
🔹 自家設計及施工團隊，100％本地師傅
留言